احدث تشكيلة تزيد من انوثة كل بنت

كل بنت طبعا بتهتم بجمالها و انوثتها و تبحث عن كل جديد لتزيد انوثتها و رونقها و ما يميزها عن غيرها و عشان كدة جبتلكوا احلي تشكيلة تزيد من جمال اي بنت و هتبقي مفاجاة جامدة ليكوا و يا رب تعجبكوا استنوني بكرة ان شاء الله مع اضخم تشكيلة من الخلاخيل و الحلقان و صنادل الكعب العالي

 اولا الحلقان و ما ادراك ما الحلقان لازم كل بنت فينا تكون مهتمه باقل تفاصيل في لبسها و جمالها و الحلق بيفرق كتير اوي في شكل البنت و شكل الطقم و الحمال العام للبنت عشان بيعبر عن ذوقها و شخصيتها و طبعا اغلبنا محجبات الحلق مش بيبان بس بردوا مفيهاش حاجة لما ندلع نفسنا و نهتم بشكلنا 

  ثانيا بقي الصنادل , انا جبت جزم و باليرينات كتير قبل كده بس الصنادل جيه وقتها احنا دخلنا علي الصيف و حر الصيف و عذابه يبقي لازم نخفف علي نفسنا الحر و العرق و نلبس صنادل منها تخفف الجو و كمان شيك و انيقة

ثالثا و رابعا و خامسا و الف : الخلخال و لما تقول الخلخال يبقي البنت المميزة مش البنت التقليدية لان الخلخال برغم انه مش منتشر اوي بين البنات اليومين دول الا انه من اهم مظاهر الجمال و مش انا اللي بقول االكلام دة لا دي الحقيقة ( و الصورة مبتكدبش ) 

لفات طرح سهلة و عملية بالخطوات

اكيد كل بنت مننا بتحب تغير من شكل لفة طرحتها عشان تحس بالتغيير كل فترة و كل بنت بيليق عليها لفات معينة عشان كدة دة فيديو فيه لفات طرح سهلة و بسيطة و مش بتاخد وقت و تناسب كل بنت و جربوها و قولولي ايه رايكوا و اية لفة عجبتكوا اكتر و ميزة الفيديو دة انه بيوريكي بالتفصيل الممل ازاي تبدأي لحد متخلصي كله و كمان في مصر اللفات تقليدية اوي لكن هنا في لفات حديدة و مبتكره و كمان هتححسنا بالفرق الكبير في شكلنا

اللي جربت يا ريت تقولي عشان انا كسلانة جدا و عايزة حاجة سهلة و بسيطة يعني من الاخر جربوا انتوا و قولولي هو انا هنزلكوا الفيديوهات و اجرب كمان يلا جربوا و قولولي نفعت و لا لأ لحسن انا بتعقد لما اعمل حاجة و تفشل  :d

في حاجتين مهمين لما نيجي نختار لفة الطرحة اولا الوجة مليان ولا لأ و ثانيا  هي شكل الوجه الاساسي عشان شكل الوجه عامل اساسي في اختيار لفة الطرحة لاننا ممكن نستخدم لفة طرحة للوجة المليان يبين ضخامته اوي و ممكن نستخدم لفة طرحة للوجه النحيف يخبيه خالص و في الحالتين هتبوز اللفة و هنفقد جمالنا و انوثتنا

تعليم وضع ميك اب العيون بطريقة سهلة

طبعا عارفين اهم حاجة بتهتم بيها البنت في ميكياجها العين و ابراز جمالها و سحرها و ازاي تحط الميك اب و ازاي كذا لون .

دايما كل واحدة فينا لما بتيجي ترسم عينيها بترسمها ب الطريقة المعتادة و مش بتغيرها كتير و لما بتغيرها بيبقي تغيير طفيف و بسيط اوي ابسط ما الاهلي بياخد الدوري ههههههههههههه و بنثول يا ستي ماهي كدة حلوة و انا لسة هقعد ارسم وو امسح و انيا و بعدين الرسومات دي شكلها صعبة بس بالعكس .


عشان احنا لسة مجربناش حاسينها صعبة لكنها بجد سهلة اوي و فيديو دة هيورينا بالخطوات ازاي نحط ميك اب عيون و خطوة خطوة عشان نبقي محترفين و ربنا يقوينا بقي :D

طبعا كلنا عارفين فن اختيار الوان ميك اب العيون اختيارها ليه فن بردو كيفية ان الالوان لايقة علي كل بشرة و لون البشرة و شكل العين اكتر حاجة بيحددوا ميك اب العيون لانه بيتلف من العيون الواسعة او الضيقة و كمان علي حسب تدويرة الوجه و علي حسب كمان المكان اللي رايحاه و مناسبته مع الالوان و الشكل بتاع الميك اب  

لبس صيف 2013 بالوانه الفظيعة

الصيف السنة دي داخل علينا بالجامد الوان جذابة و موديلات فظيعة و بجد حاجات جنان و طبعا احنا كبنات اهم حاجة بنهتم بيها هي  لبسنا و نتابع احدث موضة و عشان كدة دي تشكيلة مزهلة من اللبس اللي يهبل  جايبة فيها فساتين و بناطيل و شورتات و كله كوم و الشورتات كوم 

و طبعا الصيف بيحب الفساتين بالذات في المصايف م الشمس و البحر و الالوان الجذابة للفسلتين و اكيد باكسسوارتها انا انسي اي حاجة اي حاجة الا الاكسسوارات دي روحي روحي روحي هههههههههههههههه عشان كدة بردو في تشكيلتنا في فساتين عشان تناسب كل البنات و اللي عيزينوا و ربنا يقدرنا علي فعل الخير

علي فكرة كمان السنة دي طالعة موضة البناطيل الملونة انبيي هي شكلها حلو و الوانها جبارة و بالذات في الوان الوحدة تحس انها  ماشية منورة و ما شاء الله امة لا اله الا الله بتتففرج يلا خليهم يتفرجوا لازم ندلع نفسنا بردو ان شالله ما حد حوش  بس في الوان الصراحة تحفة المهم كفاية رغي يلا اتفرجوا

كل حاجة في حياتنا عبارة عن فن عندنا فن الاتيكيت و فن الديكور و كمان فن اختيار الملابس و فن اختيار الالوان دي حاجات مهمة اوي لازم اي بنت تاخد بالها منها و هي بتشتري اللبس زي في التشكيلة دي في عندنا في خطوط الموضة العالمية لازم تناثق الالوان لازم اللون اللي تحت يكون اغمق من اللون اللي فوق و هو دة الي لازم ناخد بالنا منه فن تناسق الالوان 

فساتين قصيرة جنان

طبعا الصيف جية و يعني ايه الصيف جية يعني الواحد مرارتة هتتفقع من اللبس القصير و المفتوح دة بيبقي فظيع و بما اننا مش هينفع نلبسوا يبقي نتفرج بقي ما هي ولا لبس ولا فرجة و دي تشكيلة من اللي تفقع المرارة شوفوها و قولولي ايه رايكوا و براحة ع نفسكوا مفيش حاجة مستهلة :D

طلعت موضة الصيف دة الفساتين لكن مش كل بنت تليق عليها الفساتين و طبعا دة مش انا اللي مخترعاه دي 

خطوط الموضة العالمية و مصممين الازياء العالمين ان البنت الطويلة لو لبست حاجة قصيرة هتبين طولها اوي و البنت القصيرة مستحب الفصيرلها لانه هيديها طول  عشان كدة لازم كل وحدة مننا تاخد بالها من نوع و شكل اللبس لانه بياثر اوي

اكيد لازم مع كال فستان شنطتهو شوز بتاعه لان الناقة ليها اسلوب و دة بيدل علي مدي رقي البنت و اهتممها بشكلها و بادق التفاصيل عشان كدة انا لما جبت التشكيلة دي جيبالكوا معاها شنطها و شوز بتعما بسلطتها ببابا غنوجها و كل حاجة تحتاجه البنت اللي هو انتي ايوة انتي باصة فين عندي و يا رب يعجبكوا

مجموعة لبس من اللون البينك

طبعا البنات بتحب الالون الرقيقة اللي بتبرز مدي جمالها و انوثتها عشان كدة جبتلكوا النهاردة اجمل تشكيلة من اللبس اللي بيتميز باللون البينك الهادي و الغامق و درجاته عشان يناسب كل الذواق اتفرجوا و قولوا ايه احلي طقم و كل طقم معاه كل حاجه تخصه من تحت لفوق عشان تعرفوا انا اختلف عن الاخرون خالص

-اللون البينك رغم انه موضة و اي بنت تفتكر انه يليق عليها لكن لازم ناخد بالنا لما نيجي نختار درجات اللون يعني البنات زات البشرة الغامقة متلبسش البينك الغامق لانه هيغمق اوي تلبس الدرجة الفاتحة و بردو بالنسبة للبنت زات البشرة الفاتحة بتحب اللون اللي يبين جمالها و بشرتها غبنحناج الدرجة الغامقة 

اووووووووف بجد البينك في الفساتين جبار بجد بيحسس البنت بانوثتها و مدي تميزها عن البنات اللي حوايها و من اهم ما يميز اللون البينك انو بيليق ع كل البنات نسبيا يعني اي بنت بتلبسوا بيليق عليها و ممكن تختار من درجاته و موديل اللبس نفسه كمان بيبن و يبرز مدة جمالها و خدوا النصيحة و مني و ربنا يستر

اكسسوارات جنااااااان

تشكيلة جديدة من الإكسسوارات الأنيقة والراقية لتكتمل بها أناقتك ولتظهري بأجمل طلة تزيني بها و كل الالوان الجديدة من اكبر المواقع و المجلات العالمية للساعات و الغوايش و الحلقان و كل انواع الاكسسوارات اللي اي بنت تحتاجها عشان تكمل بيها جمالها و اناقتها اللي بدأتها بلبسها تنهيها ب اكسسوراراتها

لا و كمان انا مش جايبلكوا نوع واحد من الكسسوارات يعني خامة وحدة مثلا خرز بس لا جيبالكوا خرز و ذهب و فضة و كل ما تتمناه اي بنت ما هو مش هيبقي ولا عارفين نجيبوا و لا نتفرج عشان كدة محرمتكوش من حاجة كلوا هنا و اكثر و استنوا المزيد ان شاء الله 

عندنا في خطوط الموضة فن اختيار الالوان فن اختيار الملابس و ان اللبس يكون لايق علي جسم كل واحدة لان دة بيدل علي مدي اهتمامها بانقاتها و ان مش اي حاجة موضة تلبسها ممكن متكونش لايقة علي شكل جسمها او الالوان مش لايقة علي لون بشرتها لازم نراعي كل دة و من المهم بردو نهتم بالاكسسوارات و مدي ملائمتها لينا و الوانها و حجمها مش اي حاجة تتلبس يا فالحين

موضة الوان صيف 2014

 أحدث خطوط الموضه التي تناسبك في فصل الصيف والربيع ،ستكون هذه المجموعه هي ما تبحيثن عنه وهي تعتبر من   أهم وأحدث خطوط الموضه في هذا الموسم و مش كل اللبس نفس النوع او الشكل الموضة في صيف السنة دي متنوعة و رهيبة من لبس طويل و شيك و واسع و لبس متوسط الطول و الضيق و البس ال ;) بأي انتوا فاهمين و دة طبعا مش لينا :( دة نفرج عليه بس 

و في شويه فساتين بجد جنان الوانها و موديلاتها و نقشتها بجد تهبل نازلة الصيف السنة دي 2013 واكيد مفيش حاجة تغيب عني  كل حاجة انا اهتم بيها و انا كبنت فاعرف كل احتجاتنا موجودة و اللي تناسب كل الذواق المفيد يعني من الاخر هتعجبكوا اوي التشكيلة دى من اللبس الصيفي بالوانه و موديلاته الفظيعة