بيجامات صيفي اوووووووووف

الواحدة ما بتصدق الصيف ييجي عشان تخرج من هدومها محدش يفهمني صح عشان كدة جبتلكوا النهاردة اشكال فظيعة من موديلات البيجامات لتتالقي في البيت كمان من برة بس

حتي في لبس البيت لازم نهتم بيه مش اي لبس و السلام لأ لازم اولا القماشه تكون ناعمة و طرية و تعطي راحة عشان ناخد راحتنا في البيت 

ثانيا لازم بردو ننقي الاشكال الي تليق علي شكل جسمنا يعني البنت التخينة متجبش بيجاما الرسمة بتعتها فيها خطوط بالعرض لانه هيتخنها اوي و ميبقاش فيها رسومات كبيرة الحجم لانها هتديها حجم و تضخمها 

لما نيجي نختار المقاس نجيب مقاسنا بالظبط بلاش شغل عشان تعد معاكي للسنة الجاية و لا نجيب مقاس اكبر ولا مقاس اصغر و نراعي شكل جسمنا في اختيار الموديل مش اي موديل لازم يكون لايق علي شكل الجسم من طول او قصر او تخن او رفع و الرسومات لانها عامل مهم في الايحاء بحجم لجسم و شكله