كاسات تحفة ;)

كاسات رهيبة لتقديم المشروبات و العصاير (ده علي اساس ان العصاير دي مش مشروبات ) اتفرجوا و قولوا اية احسن

اول حاجه فى طقم النيش ومن الضروريات طقم الصينى وده بقى لازم تنقيه بعنايه فائقه قوله ليه لانه طقم العمر يعنى مابيطلعش الا للغالين وغير كده لازم يكون فخم وشكله حلو وكل ماكان رسمته ارق كان اشيك وعلى فكره مش لازم يكون غالى يعنى فى انواع حلوه اوى ومش غاليه زى 

-طقم الاركوبال وده تانى حاجه فى الاهميه وانا هقول لكم احسن نوعين وهما اولا الفرنساوى وده انضف نوع لانه بيعيش بس مشكلته ان رسماته محدوده وراح عليه الزمن لكن التايلندى احلى فى الشكل وعدد قطعه اكتر كتير وتقدرى تستفيدى منها وتقرينا سعرهم فى السوق واحد بس انا انصحكم بالتايلندى 

الموضة دلوقتي انك لما تيجي ترصي الكاسات متكونش كلها واقفي يعني ممكن تعملي وردة بخمس كاسات وتخلس السادس قلب الوردة دي
لما تحطي طقم الشاي حاولي يكون معاه شوبات يعنى كوبايات المية مش كاسات فاهمة قصدي
متحطيش ابدا اطقم قهوه مع شاي دايما القهوة خليها مع كاسات او شوبات